BUTUAN CITY – Hingpit nang gitangtang sa puwesto sa Office of the Ombudsman si suspended Bamban, Tarlac Mayor Alice Guo base sa resolusyong gipirmahan ni Ombudsman Samuel Martires, human nakakita og igong basehan aron tangtangon siya sa katungdanan.
Una nang girekomenda sa Department of the Interior and Local Government kon DILG ngadto sa Ombudsman nga pahamtangan og preventive suspension ang Bamban mayor.
Sigon ni DILG Secretary Benhur Abalos, nagmugna sila og task force aron imbestigahan ang koneksyon matud pa ni Guo ngadto sa mga iligal nga binuhatan sa Philippine Offshore Gaming Operation (POGO) sa ilang lungsod sa Bamban.
Bisan ang Commission on Elections kon COMELEC ug ang National Bureau of Investigation kon NBI, mihimo na usab og buwag nga imbestigasyon sa iyang identity.
