BUTUAN CITY – Gikasuhan na og paglapad sa Municipal Ordinance No. 08 series of 2002 ang tulo ka mga indibidwal nga naaresto atol sa police operation nga gilusad sa mga personahe sa Bayabas Municipal Police Station sa Purok 4, Brgy. Magobawok, lungsod sa Bayabas, Surigao del Sur ning mi-aging adlaw.
Naila ang mga nadakpan ug nakasuhan nga sila Nicolas Reveche Lesoy, 53-anyos, minyo, driver ug residente sa Purok 1, Brgy. San Juan, Surigao City, sakop sa Surigao del Norte uban ang duha niini ka mga pasaherong nailang sila Edwin Bautista Candido, 49-anyos, minyo ug Rolly Cadeliña Suazo, 43-anyos, miyo ug parehong mg mangingisda nga nagpuyo sa Sitio Soong, Purok Mangga II, Brgy. Purisima, Tago, Surigao del Sur.
Nakuha gikan sa ilang posisyon ang tulo ka sakong duna’y sulod nga mga gagmay’ng alimango kansa gibana-banang nagkantidad og 30-mil pesos.
Nakuha kini gikan sa kolor puti nga Nissan NB350 Urvan, nga gimanehuan ni Lesoy. Migawas sa imbestigasyon nga ang maong mga gagmay’ng alimango gikuha nila gikan sa Tago, Surigao del Sur ug dalhon unta padulong dinhi sa Butuan City.
Dali silang gidala ngadto sa police station uban sa nakumpiskang ebidensya alang documentation, dayng turn-over sa mga gagmay’ng alimango ngadto sa Department of Agriculture alang sa ceremonial release sa mga niini ngadto sa Protected Marine Sanctuary sa lungsod sa Bayabas, Surigao del Sur.
