BUTUAN CITY – Naglunsad na usab og bag-ong hugna sa mga strikes batok sa Iran ang Estados Unidos sa ika-unom ka sunod-sunod nga gabii samtang nag-away ang duha ka nasud alang sa kontrol sa Strait of Hormuz.
Sumala sa US Central Command (Centcom), ang mga atake gituyo aron mas mapahinay ang kapasidad militar sa Iran dayong butyag nga ilang gisakyan ang usa ka barko isip kabahin sa blockade sa strait.
Sigon sa Iranian state media, ang mga missiles sa US miigo duol sa Qeshm Island, ug sa Bandar Abbas ug Bushehr — diin nahimutang ang usa ka nuclear power plant samtang duha ka tulay sa Hormozgan province ang ialng gipunting.
Madumdumang sa sayong bahin ning semanaha, nagbahad si US President Donald Trump nga iyang ig-on ang mga tulay ug power plants sa Iran kung dili kini mobalik sa negosasyon.
Niadtong Abril, human sa pamahayag ni Trump nga bombahan ang civilian infrastructure sa Iran, gibutyag ni United Nations human rights chief Volker Türk nga ang pag-atake sa mga sibilyan ug civilian infrastructure usa ka war crime. Base sa 1949 Geneva Conventions, gidili ang pag-atake sa mga sites nga gikinahanglan sa mga sibilyan.
