BUTUAN CITY – Nagpagawas og advisory ang Philippine Institute of Volcanology and Seismology (Phivolcs) niadtong Miyerkules, Abril 22, 2026, mahitungod sa mitaas nga seismic activity sa Bulkang Bulusan.
Sumala sa Phivolcs, nakatala sila og 101 volcano-tectonic (VT) earthquakes gikan sa alas-4:50 sa buntag sa maong adlaw nga dala sa pagbusikad sa mga bato sa ilalom sa bulkan sa 2.5 kilometro gikan sa amihanang parte sa Bulusan.
Bisan paman niini ang degassing activity gikan sa summit crater ug mga aktibong vent sa bulkan nagpabiling hinay hangtud sa kasarangan ug ang sulfur dioxide emissions anaa sa 75 tons kada adlaw (base sa datos niadtong Abril 9), ang pagtaas sa earthquake activity mamahimong magpakita usab sa mga shallow hydrothermal processes ng maghatag og steam-driven o phreatic eruptions sa ba-ba sa bulkan.
Tungod niini, gipataas sa Phivolcs ang Alert Level 1 o low-level unrest sa Bulusan, nga nagpasabot nga dunay posibilidad sa phreatic eruptions.
Gitambagan ang publiko nga mag-amping og mangandam batuk sa mga posibleng peligro tungod sa pyroclastic density currents (PDCs), ballistic projectiles, rockfall, avalanches, ug ashfall nga mamahimong masinati sa mga apektadong lugar.
