BUTUAN CITY – Anaa na karon sa moderate risk ang average daily attack rate kon ADAR sa Caraga Region sulod sa duha ka semanang monitoring sa mga health officials sa COVID-19 cases.
Sa eksklusibong pakighinabi sa Bombo Radyo Butuan, gipasabot ni Dr. Diohara Aparri, sa Regional Epidemiology and Surveillance Unit kon RESU sa Department of Health-Center for Health and Development-Caraga, nga ubos sa moderate risk sa ADAR, mu-atake ang virus kada-adlaw, usa ngadto sa 7-porsiento kansa dili na angayang kumpyansahan.
Sa ingon niini matud pa nga risgo, bisan unsang orasa ang mga kumpirmadong kaso sa COVID-19 kung makatakod og ilang mga naka-close contact, musunod na niini ang pag-abot na sa high risk paglabay sa pipila ka mga adlaw.
Sigon ni Dr. Aparri, sa ingon niini nga estado, kinahanglang paspasan na ang COVID-19 response sa mga local government units sa ingon ma-contain na ang virus adiser pa kini makatakod pa og dugang pang mga indibidwal.
Niini nga estado karon sa ADAR ning rehiyon, giklaro ni Dr. Aparri nga nagkataas usab ang specimen collection sa regional health department kansa nagpasabot sa nagkadaghan usab nga ihap sa mga indibidwal nga gi-swab test kansa tima-ilhan sa paspas nga COVID-19 response tungod kay halos ang tanang mga first generation contact, apil na sa ilang gipa-swab dungan sa pagwagtang sa pagpa-swab lang sa mga first gen contact kung sila duna na’y simtomas.
Kini gawas pa sa paspas nila nga active surveillance sa mga komunidad kondiin ang tanang mga dunay mga simtomas nga susama sa coronavirus unya anaa lang sa balay, ireport gilayon sa mga hingtungdang Operation Centers kon OpCens aron ma-swab gilayon uban ang entiro membro sa ilang pamilya sa ingon ma-isolate ug ma-quarantine usab ang mga magpositibo.
Gidugang pa ni Dr. Aparri nga tungod kay moderate risk man ang ADAR sa Caraga Region, nangandam usab ang tanang mga ospital ning rehiyon sa ilang mga pasilidad gamit ang ilang surge capacity plan sa ingon dili na magkapa-kapa pa higayong musaka na ang mga kaso sa COVID-19 sa bisan asang bahin sa rehiyon.
Kini gawas pa sa mas gipaspasan nilang vaccination roll out tungod sa pagpangabot na sa mga vaccine supplies ning rehiyon ason sa pagdugang na usab og mga vaccination sites.
