BUTUAN CITY- Gisugdan na kagahapong adlawa Sabado, Nobyembre 14 ang mga serye sa meeting nga gitambungan sa nagkada-iyang mga lider, adiser paman ang gikatakdang pagbukas sa ika-49 nga summit sa Association of Southeast Asian Nations kon ASEAN.
Kagahapong adlawa gibuksan na ang ASEAN Ministers Meeting nga gitmabongan sa mga secretary o minister sa Foreign Affairs.
Gisundan kini sa ASEAN Economic Community Council Meeting nga gipangunahan ni Trade and Industry Secretary Ma. Cristina Roque, kung asa gipasalamatan usab niini ang mga kaubanan niining minister tungod sa ilang kooperasyon alang sa dungan nga pag-uswag sa ekonomiya sa Habagatan-sidlakang Asya.
Sa hisgutanang investment, gbuksan na usab ang ASEAN Business and Investment Summit kon ABIS nga gipangunahan mismo ni Pangulong Ferdinand Marcos Jr.
Gawas sa nasangpit nga meeting, pipila pa ka Ministerial and Council Sessions ang gibuksan kaghapong adlawa Sabado.
Gilangkoban kini sa 32nd ASEAN Political-Security Community (APSC) Council Meeting ug 39th ASEAN Coordinating Council (ACC) Meeting Ang mga niini puros preparatory meetings alang sa pagsugod sa summit karung adlawa, November 15 ug molungtad kini hangtud sa Martes, Nov. 17.
