BUTUAN CITY – Gipahinumduman sa Department of Health (DOH) ang publiko nga likayan ang dugay nga pagpabilin ilawom sa direktang silaw sa adlaw, magpahulay matag-karon ug unya kung magtrabaho sa gawas ug moinom og igo nga limpyo nga tubig.
Kini subay na sa daghang posibleng sakit ang mahimong mosaka ang kaso panahon sa pinakakusog nga epekto sa El Niño, ilabina tungod sa grabeng kainit, kakulangon sa limpyo nga tubig ug pagbag-o sa kondisyon sa palibot.
Gipatutukan sa DOH ang hustong pagtipig sa tubig, kondiin kinahanglan limpyo ug adunay hugot nga tabon ang mga sudlanan aron malikayan ang kontaminasyon ug pagdaghan sa mga lamok.
Girekomenda usab ang paglimpyo sa palibot ug pagtangtang sa mga lugar nga mahimong tigomanan sa tubig aron malikayan ang pagdaghan sa mga lamok nga nagdala sa dengue.
Base sa pinaka-ilahing abiso sa Philippine Atmospheric, Geophysical and Astronomical Services Administration kon PAGASA, anaa na sa lebel nga very strong El Niño ang kondisyon sa Tropical Pacific ug gilaom nga moabot sa kinapungkayan sa kataposan ning tuiga ug gila-umnga magpadayon kini hangtod sa unang katunga parte sa 2027.
