BUTUAN CITY – Nabawi sa Democratic Party ang mayoriya sa House of Representatives sa Estados Unidos gikan sa Republican Party human sa 2026 midterm elections.
Pinaagi niini, makuha na sa mga Democrats ang kontrol sa maong kapulungan sa Kongreso, nga adunay dakong papel sa paghimo ug pag-apruba sa mga balaod, budget ug pagpahigayon og mga imbestigasyon batok sa administrasyon ni US President Donald Trump.
Gikinahanglan ang labing menos 218 ka lingkoranan aron makontrola ang 435-member House of Representatives ug tungod sa maong kalambuan, gila-uman nga mahimong sunod nga Speaker of the House si Democratic Leader Hakeem Jeffries kon pilion siya sa mga kongresista sa ilang pagbalik sa sesyon sa Enero.
Ang pagkabawi sa mga Democrats sa mayoriya sa House mahimong maghatag kanila og mas dakong gahum sa pag-utingkay sa mga polisiya ug aksyon sa administrasyong Trump, lakip na ang pagpatawag og mga opisyal sa gobyerno aron motubag sa mga imbestigasyon sa Kongreso.
