BUTUAN CITY- Patay ang unom ka tao kinsa sakay sa usa ka Learjet 60 human nahagsa ug mingbusikas sa usa ka residential area sa Palm Beach County, Florida, United States niadtong Nobyembre 1.
Gikomperma kini ni US Transportation Secretary Sean Duffy nga walay nakaluwas sa mga sakay sa pribadong eroplano.
Sumala sa Federal Aviation Administration (FAA), sa may alas-12:50 sa udto, lokal nga oras, dihang nahagsa ang Learjet sa lugar duol sa Cresthaven, Florida.
Gikan sa Austin-Bergstrom International Airport sa Texas ang eroplano ug padulong unrta sa North Eleuthera Airport sa Bahamas.
Nagdilaab matud pa ang eroplano dihang ming-igo kini sa yuta, kansa nagbilin og dakong kabot ug katag-katag nga mga debris palibot sa insidente.
Samtang anaa sa 600 ka residente sa usa ka silingang mobile home community ang gibawkit tungod sa kadaot nga resulta sa pagkahagsa sa eroplano.
Walay nataho usab nga namatay ug na-angol nga katawhan, sumala sa mga opisyal.
