BUTUAN CITY- Malampusong napahigayon sa Bombo Radyo Butuan ang “Dugong Bombo 2026: A Little Pain, A Life to Gain” Bloodletting Activity sa Event Center, 3rd Floor sa SM City Butuan, ning siyudad, kagahapong adlawa Nobyembre 14, 2026, nga gisugdan alas-6:00 sa buntag ug natapos sa alas 6 sa gabii, diin asa gitambongan sa daghang indibidwal aron modonar sa ilang dugo.
Apan bisan paman niini, pipila usab kanila ang wala makapadayon sa pagdonar human napakyas sa medical screening tungod sa nagkalainlaing rason sama sa taas nga blood pressure, anemia, kakulang sa gikinahanglang timbang nga 50 kilos, hilanat, ubo ug sip-on. Base sa datos, mikabat sa kinatibuk-ang 36,450 cc o 36.45 ka litro nga dugo ang natigom gikan sa mga malampusong blood donor, nga naglangkob sa upat (4) ka A, 15 ka A+, tulo (3) ka B, siyam (9) ka B+, 15 ka O, 24 ka O+, upat (4) ka AB ug tulo (3) ka AB+ nga blood types.
Gipadayag usab sa Bombo Radyo Butuan ang dakong pasalamat sa tanang mitampo sa kalampusan sa kalihokan, ilabina sa mga staff sa Asian College Foundation nga mitabang sa pagkuha sa vital signs sa mga nagparehistro, sa mga sakop sa kasundalohan, fraternities ug sororities nga miapil ug misuporta, ingon man sa tanang volunteers ug mga indibidwal nga naghatag sa ilang panahon ug paningkamot alang sa maong kalihokan kansa nagtumong sa pagtabang sa mga pasyenteng nanginahanglan og dugo.
