BUTUAN CITY – Dakong garbo alang sa mag-amahan ang balik-balik na nga pagdonar og dugo matag-duna’y Dugong Bombo nga himuon ang Bombo Radyo Philippines.
Sigon ni Ernesto Troberos Jr, magtutudlo sa National National Vocational School, mi-abot na sa 40 ka mga blood donations ang iyang nahimo nga kadaghanan ubos sa Dugong Bombo.
Gani ka-uban niya ang iyang asawa ug ilang anak apan wala makuhai ang iyang asawa kaganina tungod sa pipila ka kakulian.
Hinuon mapasigarbuhon niyang gipa-ambit nga ka-uban niyang malampusong nakuhaan og dugo ang iyang anak nga ikanapulo ka higayon nang nakadonar dinhi gihapon sa Dugong Bombo.
Nagsugod matud pa kini pagpakuha og dugo dihang nag-edad pa kini og 16-anyos. Nanawgan siya sa tanan nga ipa-ambit usab ang ilang dugo aron makaluwas sa kinabuhi sa mga tawong nanginahanglan ilabina nga libre ra kining gihatag kanato sa Kahitas-an.
