BUTUAN CITY – Gi-awhag ni Philippine Red Cross chairman ug Chief Executive Officer Richard ‘Dick’ Gordon ang publiko nga mulambigit sa kapin duha ka dekada nang ‘Dugong Bombo 2026: A Little Pain, A Life to Gain’ bloodletting activity sa Bombo Radyo Philippines karong Sabado Nobyembre 14.
Sigon ni Gordon, bug-at nga ka-abag sa ilang ahensya ang maong programa ilabina sa ingon niini nga panahon nga kulang kaayo ang dugo.
Dakong butang usab nga himuon ang usa ka adlaw nga biggest and bloodiest one-day bloodletting activity sa 32 ka mga fully-digitalized AM ug FM stations sa tibuok nasud aron mas lapad ang ma-abtang pagtabang sa mga mamahimo unyang successful blood donors.
Dungan niini, iyang gidayeg ang gibansagang mga bayani sa bag-ong panahon nga mao ang mga blood donors kinsa wala’y kapuol pagpakiglambigit sa maong kalihukan.
Gipadayag niini nga pinaagi sa pagdonar og dugo, matabangan sa successful blood donor ang mga tawong nanginahanglan niini aron lang malugwayan ang ilang kinabuhi ilabina kadtong anaa na sa delikado ang ilang kinabuhi.
