BUTUAN CITY – Gipasalig sa Department of Health Center for Health Development o DOH CHD-Caraga ngadto sa publiko ang hugot nilang koordinasyon sa Provincial Health Office human gideklara ang dengue outbreak sa tibuok probinsya.
Ang maong deklarasyon gihimo tungod sa padayon nga pagdaghan sa mga kaso sa dengue, mga na-admit sa ospital, mga grabeng kaso, ug mga na-report nga namatay sa probinsya. Tungod niini, gipalig-on ang pagmonitor sa mga kaso ug ang mga lakang sa pagtubag sa dengue.
Bisan pa man nga mas dako ang panginahanglan sa pag-amping ug padayon nga aksyon sa Agusan del Sur, giklaro sa DOH CHD-Caraga nga mas ubos pa sa kinatibuk-an ang dengue situation sa rehiyon kung itandi sa susamang panahon ning miaging tuig.
Base sa mga record sa surveillance, 61 porsyento nga mas ubos ang mga kaso sa dengue sa Caraga Region gikan sa morbidity weeks 1 hangtod 38, o gikan Enero 1 hangtod September 26, ning tuiga kumpara sa susamang panahon niadtong 2025.
Gihangyo niini ang publiko nga magpabiling updated sa mga pahibalo bahin sa dengue, mag-amping, ug padayon nga magpraktis sa mga pamaagi sa paglikay sa maong sakit.
Pinaagi sa pagtinabangay sa komunidad, atong mapugngan ug makontrol ang pagkaylap sa dengue.
