BUTUAN CITY- Gi-akusaran sa Saudi-led coalition ang grupong Houthi gikan sa Yemen human matud mingbuhi og drone padulong sa balaang siyudad sa Mecca.
Hingpit usab nga gilimod ug gitawag nga bakakon ang grupong Houthi sa maong pamahayag sa Saudi Arabia.
Mingsaad usab og hugot nga pagbalos ang koalisyon ug gi-insistar nga ang kaluwasan sa mga balaang lugar ug mga deboto, usa ka “red line” nga dili pwedeng lapason.
Gikondena usab sa Organization of Islamic Cooperation ang nasangpit nga insidente nga gilangkoban sa 57 ka nasud.
Samtang, mingresulta usab og dakong kalabalaka sa tibuok kalibotan ang padayon nga kagubot tungod sa pagkontrol sa Houthi sa Bab al-Mandab Strait kansa krusyal nga agi-anan sa lana.
Tungod sa grabi nga panagbangi ug krisis, ming-abot na sa labing minus 82,000 ka-tao ang napugos pagbakwit gikan sa ilang mga tunghaan sa Yemen sumala sa taho sa United Nations.
