BUTUAN CITY – Nakamugna na hinoon og kalibog ang pagpatim-aw sa 4 ka kanhe justices isip amici curiae kon Friends of Court kagahapong adlawa atubangan sa impeachment court. Sigon ni Litigation Lawyer Atty. Raymund Batu, tulo sa mga niini ang migamit og fragmatic intepretation kon pag-interpret sa balaod mahitungod sa voting threshold aron makumbikto si Vice President Sara Duterte base sa reyalidad.
Sumala pa ni Atty. Batu nga ang opinyon sa mga niini base sa ilang pagka-huwes o abogado apan sukwahi matud pa niini ang mga senator judges nga mga politiko nga maoy wala nasabtan sa mga kanhe justices.
Kini human usab ilang gipasabot nga pwedeng mapa-ubsan ang voting threshold depende sa kung pila ka senator judges ang aktibong naka-apil sa trial.
Apan pasabot pa ni Atty. Batu, dunay lig-ong tumong kung nganung dapat lisud makakab-ot og boto aron makumbikto ang usa ka opisyal. Usa na niini aron dili kini magamit sa pagpapahawa sa kalaban sa politika.
Tungod kay bisan og 16 ang boto nga kinahanglan, makab-ot gayud kini ugaling dunay igong ebidensiya nga nakakomitar og salaod ang gitaral nga opisyal apan tungod kay politiko ang mga senator-judges, kaya gyud nilang magkumbikto sa opisyal sa ngalan sa politika og dili sa ebidensiya.
Tungod niini, dako ang pagtoo ni Atty. Raymund Batu nga mausab gayud ang voting threshold tungod kay disesyonan man kini base sa pagbotar sa impeachment court diin majority sa miyembro dapig sa administrasyon.
Sa panahon nga kini mahitabo, dunay himoon na dayung pagpasaka og reklamo ngadto sa korte suprema.
