BUTUAN CITY – Mi-abot na sa New Delhi, India si Pangulong Ferdinand R. Marcos Jr. aron motambong sa 18th BRICS Summit nga himuon sugod karong adlawa Septyembre 12 hangtud ugma, Septembre 13.
Mutambong ang Presidente sa summit isip Chair sa Association of Southeast Asian Nations o ASEAN karong 2026, ug isip invited outreach country.
Gila-uman nga ipresenta ni Marcos ang mga prayoridad sa ASEAN ug i-asdang ang mas lapad nga kooperasyon tali sa mga nasod nga sakop sa BRICS, ilabina sa pamatigayon, pamuhunan, seguridad, food ug energy security, ug climate resilience.
Importante usab ang partisipasyon sa Pilipinas sa summit tungod kay naghatag kini og oportunidad nga mapalig-on ang relasyon tali sa ASEAN ug sa mga nag-unang emerging economies sa kalibotan.
Gawas sa iyang pagtambong sa BRICS Summit, gikatakda usab nga maghimo og bilateral meeting si Marcos uban kang Indian Prime Minister Narendra Modi aron hisgutan ang mga isyung importante sa Pilipinas ug India.
Sigon sa pangulo, ang iyang pagbisita sa India kabahin sa iyang foreign engagements isip ASEAN Chair, lakip ang pagpalig-on sa interes sa Pilipinas sa ekonomiya, seguridad ug regional cooperation.
