BUTUAN CITY-Masinati na ugmang aldawa sa mga motorista ang dyutay nga pagkunhod sa presyo sa produktong petrolyo. Sumala sa Department of Energy, adunay pagkunhod og P4.70 matag litro ang presyo sa tanang klase sa gasolina, lakip ang RON 91 o regular unleaded, RON 95 o premium unleaded, ug RON 97 o high-octane unleaded.
Mokunhod usab og P4.30 matag litro ang diesel, lakip ang Diesel Plus, samtang P4.88 matag litro usab ang ikunhod sa presyo sa kerosene. Sigon sa DOE, ang maong mga pag-adjust sa presyo nagpakita sa mga paglihok sa global oil market, ilabina tungod sa nagpadayong mga kalamboan sa Middle East kansa nakaapekto sa global supply ug presyo sa petrolyo.
Dugang pa sa ahensiya, nagpadayon ang gobyerno sa paghimo og mga lakang aron mapalig-on ang suplay sa lana sa nasud ug mapanalipdan ang kaayohan sa publiko.
