BUTUAN CITY- Magpasaka pa ang National Bureau of Investigation (NBI) og dugang 30 ka kaso sa Department of Justice (DOJ) kalabot sa mga ma-anomalosong flood control projects sa nagkanda-iyang parte sa nasud.
Sumala ni NBI Director Melvin Matibag, ming-abot na sa 27 ka kaso ang ilang ipasaka, lakip ang mga reklamo batok nila Sen. Jinggoy Estrada, kanhi Senador Bong Revilla, kanhi Department of Public Works and Highways (DPWH) Secretary Manuel Bonoan, ug pipila ka district engineer sa DPWH.
Gihatagan usab og ginbug-aton ni Matibag nga dili lang nakasentro sa Taguig City, nga balwarte ni Senate Minority Leader Alan Peter Cayetano, ang ilang imbestigasyon.
Matud pa niini, mas lapad ang sakop sa mga kasong gipasaka sa NBI ug padayon ang ilang pagpukos sa uban pang proyektong flood control nga gidudahang gigamit sa korapsyon.
Sa nagpadaypon nga imbestigasyon, tumong sa NBI nga mas mapalapdan pa ang tulobagon sa mga nalambigot sa mga proyektong nakapahimo og dakong pagkalugi sa kaban ng bayan.
Gisiguro usab niini nga wala nabilin ang uban pang mga hisgutanan sa ilang giimbestigahan.
