BUTUAN CITY – Posibleng mokusog pa ug mahimong super typhoon ang tropical storm nga anaa sa gawas sa Philippine Area of Responsibility (PAR) sa sunod semana.
Sigon sa weather specialist nga si Leanne Loreto, laumang mosulod ang daot nga panahon sa PAR sa Miyerkules o Huwebes ug panganlang Inday.
Bisan og dunay posibilidad kining mokusog isip bagyo o super typhoon, gibutyag sa weather bureau nga nagpabilin pang dili segurado ang mahimong gikusgon ug ang agian niining direksiyon.
Lauman usab nga pakusgon niini ang habagat, nga maghatag og pag-ulan sa kasadpang bahin sa Luzon, Visayas ug Mindanao.
Samtang hingpit na usab nga migawas sa PAR ang Tropical Depression Henry, apan sigon sa weather bureau nga ang giusang epekto sa gawas niining sirkulasyon ug habagat padayon nga magdala og kusog nga huyop sa hangin ug pag-ulan sa pipila ka parte sa nasud.
Samtang ang Metro Manila ug nahabiling parte sa Pilipinas posible usab nga makasinati og mga pag-ulan ug pagpanalogdog og pagkidlat.
