BUTUAN CITY- Misaka ngadto sa 104.8 bilyon dolyares ang Gross International Reserves kon GIR sa Pilipinas sa pagtapos sa Agosto 2026, base sa datos sa Bangko Sentral ng Pilipinas kon BSP.
Sumala sa BSP, nagpabiling igo ug lig-on ang lebel sa foreign reserves aron matubag ang panginahanglan sa nasud alang sa pag-import og mga produkto, pagbayad sa external debt, ug pagpanalipod batok sa posibleng mga hagit sa global nga ekonomiya.
Usa sa mga nag-unang hinungdan sa pagsaka sa GIR mao ang pagtaas sa presyo sa bulawan sa international market, nga mitultol sa mas taas nga valuation sa gold holdings sa BSP, lakip na ang kinitaan sa central bank gikan sa mga investments niini sa gawas sa nasud.
Apan gamay nga nakunhuran ang reserves tungod sa paggamit sa national government sa foreign currency deposits niini sa BSP alang sa pagbayad sa mga obligasyon sa external debt.
Ang kasamtangang GIR level igo aron masuportahan ang hangtod 6.8 ka bulan nga importasyon sa mga produkto ug serbisyo sa nasud, ug bugti usab kini sa gibana-banang 3.7 ka palid sa short-term external debt sa Pilipinas base sa residual maturity.
