BUTUAN CITY – Andam ang koponan sa Mexico sa bisan unsa mang powerhouse team nga maka-agbat niini sa umalabot human nakuha ang perfect record sa group stage mao nga sila ang unang team nga nakasiguro sa knockout round.
Ang ilang sunod nga away mao ang Ecuador sa Round of 32, ug kung modaog sila, automatic nga mo-advance sa Round of 16. Sigon ni Bombo international correspondent to Mexico City Ivan Marino, sunod nga maka-away sa ilang national team ang Ecuador karong Hulyo 2- oras sa Pilipinas nga himuon sa Mexico City Stadium.
Apan alang kaniya, ang pinakadakong hagit nga agbaton sa ilang koponan mao ang Brazil nga midaog batuk sa Japan kaganinang kaadlawon.
Bisan matud pa og ang Brazil ang first-class contender sa nagpadayong FIFA World Cup 2026, apan andam ang Mexico sa pakig-agbat kanila.
