BUTUAN CITY – Gitugotan sa International Criminal Court Trial Chamber III ang hangyo sa prosekusyon nga lugwayan og usa ka semana ang deadline sa pagsubmite sa mga obserbasyon bahin sa expert report nga nagtuki sa kapasidad ni kanhi Pangulong Rodrigo Duterte nga motubag sa pagtaral.
Sa ikaduhang status conference kagahapon, gibutyag ni Prosecutor Julian Nicholls nga kinahanglan nila og dugang nga panahon tungod sa ubang dokumento nga kinahanglan usab isubmite sa susamang petsa.
Sumala sa prosekusyon, dili kini kaayo makaapekto sa dagan sa kaso, lakip na sa gikatakdang pagsugod sa pagtral sa Nobyembre 30.
Gihatagan og pagtagad ni Presiding Judge Joanna Korner ang hangyo ug gi-aprubahan ang dugang nga usa ka semana nga extension.
Madumdumang tulo ka kaso ang gi-atubang ni kanhi Pangulong Duterte may kalabotan sa kampanya kontra ilegal nga droga sa iyang administrasyon.
