BUTUAN CITY – Nagpadayon karon sa Senado ang ang pre-trial conference alang sa impeachment trial ni Vice President Sara Duterte tali sa mga miyembro sa defense team ni Duterte ug sa House prosecutors panel. Wala mutunga si Dinagat Islands Representative Arlene ‘Kaka’ Bag-Ao, nga kabahin sa House prosecution panel.
Sumala sa abogado ni Duterte nga si Michael Poa, normal lang kini nga proseso ug naglangkob sa stipulation of facts ug simplification of issues.
Ang pre-trial mao ang inisyal nga panagtagbo sa duha ka panel sa dili pa pormal nga mag-convene ang mga senador-judges isip impeachment court sa Hulyo 6.
Madumdumang nag-atubang og mga kasong impeachment ang besi presidente tungod sa alegasyon sa culpable violation of the Constitution, graft and corruption, betrayal of public trust, bribery, ug uban pang high crimes.
Niadtong Mayo, gi-impeach siya sa House of Representatives sa ikaduha na nga higayon kondiin pagka-Mayo 18, ang Senado nag-convene isip impeachment court. Sa Hunyo 1, nagsumite ang kampo ni Duterte sa ilang tubag sa Articles of Impeachment, diin ilang gipangayo nga i-junk ang kaso.
Ang pre-trial conference nahitabo usa ka adlaw human mabag-o ang Senate leadership pinaagi sa pagkapili ni Senator Sherwin Gatchalian isip bag-ong Senate president.
Ang iyang gi-ilisan nga si Senator Alan Peter Cayetano midawat nga napildi na siya human nga ang duha sa nila ka mga ka-alyado mibalhin sa Gatchalian bloc.
