BUTUAN CITY – Nagtagbo na sila Pangulong Ferdinand R. Marcos Jr. ug Russian President Vladimir Putin sa sideline sa Association of Southeast Asian Nations kon ASEAN-Russia Commemorative Summit aron hisgutan ang pagpalapad sa kooperasyon sa pamatigyaon, enerhiya, agrikultura, ug seguridad sa pagkaon.
Natigayon kini dungan sa ika-50 anibersaryo sa diplomatikong relasyon sa Pilipinas ug Russia.
Giklaro ni Marcos ang kamahinungdanon sa regular nga konsultasyon ug daghang posibilidad sa panag-uban, ilabina sa enerhiya ug pagkaon. Isip chairman sa ASEAN, gi-imbitar niya si Putin sa ika-21 East Asia Summit nga ipahigayon sa Manila sa Nobyembre.
Sa kabahinan usab sa Russian president, iyang gibutyag nga lig-on ang tradisyon sa respeto ug paanghigalaay tali sa Pilipinas ug Russia dayong butyag nga nakita usab niya ang potensyal alang sa mas lawom nga kooperasyon sa pamatigayon, agrikultura, ug enerhiya.
Dugang pa ni Putin, aduna na’y mekanismo sama sa Joint Russia-Philippines Commission on Trade and Economic Cooperation nga mahimong dalan sa mas lawom nga panag-uban sa ekonomiya.
Kahinumdumang ning mi-aging tuig, nilapas sa tunga sa bilyones dolyares ang bilateral trade sa duha ka nasod.
