BUTUAN CITY – Gikumpirma sa Department of Energy kon DOE nga posibleng ipatuman sunod semana ang dagdag-bawas sa presyo sa mga produktonng petrolyo.
Ang presyo sa diesel, gila-umang mukunhod og tres ngadto sa 5-pisos kada-litro samtang ang kerosene usab, gila-umang mukunhod og dos ngadto sa 3-pisos matag-litro samtang ang gasolina, gila-umang musaka og 50-sentabos matag-litro.
Sigon ni Department of Energy – oil Industry Management Bureau Director Rino Abad, dili kaayo apektado sa tensyon tali sa Iran ug Amerika ang pangkalibutanong oil market ug ang kinatibuk-ang supply sa lana.
Tungod niini, pabor matud pa sa mga motorista ang pagbana-bana sa musunod nga oil price adjustment ilabina niadtong mutubil og krudo.
Kung hingpit nga mapatuman ang oil adjustment, gila-umang mu-abot na lang ang presyo sa diesel og ₱91.51 hangtud sa ₱93.51 matag-litro samtang ang gasolina, mu-abot sa ₱85.50 matag-litro ug ang kerosene, mu-abot sa ₱122.28 hangtud sa ₱123.28 matag-litro.
