BUTUAN CITY – Gideklara na karon sa mga fans sa New York Knicks si San Antonio Spurs star Victor ‘Wemby’ Wembanyama nga public enemy number 1 kanilang mga fans tungod matud pa sa pagka-kontrabida niini human gituklod usab si Knicks Superstar Jalen Brunson atol sa game 4.
Sigon ni Bombo international correspondent to New York Dolly Ilogon, kini ang hinungdan nga gubot kaayo ang gawas sa Madison Square Garden diin gihimo ang dula paghuman gayod sa game 4 kondiin duna’y mga pulis nga gipasakitan ug gilabay pa og itlog Wemby dihang padulong kini sa iyang gisak-ang hotel.
Sigon ni Ilogon niadtong game 3 pa lang daan, dismayado na ang mga fans sa New York Knicks tungod sa kawala’y watch party nga gihimo human sa dula tungod sa hugot nga siguridad nga gipatuman tungod sa presensya ni President Donald Trump niadtong tungura.
Karon nga himuon sa San Antonio, Texas ang game 5, mi-apela matud pa ang Filipino-American Mayor nga si Gina Ortiz-Jones ngadto sa tanan ilabina sa mudayo nga mga Knicks fans nga magmakalmahon lang.
Kini matud pa ang angayan sa tanan kung unsa ang mahitabo sa dula nga himuon ugmang adlawa.
