BUTUAN CITY – Nagpahimangno ang lokal nga panggamhanan sa siyudad sa Butuan ngadto sa katawhan sa hustong paglabay sa basura dinha sa basurahan og likayan ang paglabay dinha sa kadalanan, mga bakanteng lote, katubigan, og uban pang dili otorisadong lugar.
Base sa pahimangno ni Butuan City Mayor Law Fortun, ang dili husto nga paglabay sa basura dili lamang makaapekto sa kalimpyo sa atong komunidad, apan makatampo usab kini sa pagbabag sa mga kanal ug drainage system, pagbaha, polusyon sa kinaiyahan, ug mga risgo sa panglawas.
Gi-awhag niini ang tanan nga ipabiling limpiyo, luwas og matahom ang Butuan City ngadto sa tanang katawhan.
Kini dayung paglatag sa City Ordinance No. 7192-2024 o ang illegal nga paglabay sa basura nga dunay mga penalidad. Sa unang paglapas ang penalidad anaa sa 3-mil pesos o Community Service nga dili moubos sa 24 oras.
Sa ikaduhang pagsupak ang penalty anaa sa 4-mil pesos o Community Service nga dili moubos sa 32 oras ug pwede pang mag-suspede sa business permit ang City Business Permits and Licensing Department kon CBPLD.
Ang ikatulong paglapas nagtangag sa 5-mil pesos nga penalidad uban sa pagkansela sa lisensiya nga pag-operate sa negosyo sulod sa usa ka tuig samtang ang ikaupat nga paglapas, walay penalidad nga gibutang apan dunay kasong ipasaka ngadto sa korte.
Dugang pa niini nga pinaagi sa disiplina ug hiniusang responsibilidad, mahimo natong mapanalipdan ang atong kinaiyahan ug makatukod og mas limpyo, mas greener, ug mas maayong kapuy-an nga Butuan alang sa umaabot nga mga henerasyon
