BUTUAN CITY- Gi-ila sa Hezbollah nga walay pulos ug makapasubo ang gi-propose nga US-backed ceasefire tali sa Israel ug Lebanon, ug gilabayan kini og bug-os nga pagdumili sa lider nga si Naim Qassem.
Ang kasabutan nga gihimo sa Washington naglatid sa paghimo og “pilot security zones” sa Lebanon diin gibawalan ang mga operatiba sa Hezbollah, apan sumala sa grupo nga kini usa ka porma sa pagsurender ug pagtuman sa tumong sa Israel.
Samtang nagpabilin ang tensiyon, nagpadayon ang Israeli airstrikes sa habagatan ug Bekaa Valley nga nakapatay og unom ka tawo, lakip na ang usa ka motorista, samtang usa ka peacekeeper sa UN ang namatay tungod sa mortar shelling nga gipasanginlan sa Hezbollah.
Ang Lebanese media ug mga residente sa Beirut nagpakita og kakulang sa paglaom sa kasabutan, samtang ang Israeli militar nagpadayag nga magpadayon kini sa operasyon aron “bungkagon ang teroristang imprastraktura”
