BUTUAN CITY – Dili moubos sa 21 katawo, lakip na ang 12 ka langyaw ang namatay human miulbo ang sunog sa usa ka hotel sa Malviya Nagar, South Delhi, India niadtong Miyerkules.
Sumala sa mga awtoridad kini ang usa sa pinakadakong insidente sa sunog sa sentrong siyudad sa India sukad niadtong 2022.
Nasayran nga nagsugod ang sunog adiser mag alas-9:00 sa buntag sa upat ka andana nga dakbalay. Pagduda sa mga imbestigador nga nagsugod ang kalayu sa usa ka restaurant nga makaplagan sa ground floor sa dakbalay.
Tungod sa paspas nga pagkuyanap sa kalayu, pipila ka tawo ang napugos sa pag-ambak gikan sa mga bintana sa dakbalay aron makaluwas.
Gelayon usab nga nagtinabangay ang mga residente sa lugar ug naglatag og mga kutson sa kalsada aron maminusan ang damyos sa mga miambak nga biktima.
Sumala sa saksi usa ka batang kauban sa miambak gikan sa ikatulong andana ug luwas usab nga nasalo sa mga gilatag nga kutson.
Gelayon nga miresponde ang walo ka fire trucks aron palongon ang sunog, nga hingpit nga nakontrol bandang udtu.
Sigon sa kapulisan nga miabot sa 49 katawo ang gidala sa nagkadaiyang ospital aron tambalan. Walo sa mga nasamdan ang gelayon usab nga nakagawas human mahatagan og tambal.
Sa mga gidala sa ospital, duha ang anaa sa kritikal nga kondisyon.
Samtang padayon pang gisuta sa mga awtoridad ang identity sa mga langyaw nga namatay. Una nang gitaho nga lakip sa mga biktima gikan sa Bangladesh, Nigeria, Mozambique, ug Liberia.
Nakadetine na usab ang tag-iya sa dakbalay samtang nagpadayon ang imbestigasyon sa hinungdan sa sunog.
