BUTUAN CITY – Nagpahayag si Atty. Kristina Conti mahitungod sa katungod sa akusadong si former Pres. Rodrigo Duterte nga mopili og kaugalingong abogado.
Sumala pa niini nga dunay katungod ang akusado sa counsel of choice, apan gipamugos sa mga biktima nga gusto nilang maseguro nga ang paghulip sa abogado dili mahimong hinungdan sa bisan unsang pagkalangay sa proseso.
Gitumbok ni Conti nga ang pagbaton og bag-ong abogado dili awtomatikong nag-reset sa oras o naghatag og bag-ong remedyo para sa akusado.
Sa kasamtangan, gipaneguro ni Nicholas Kaufman nga ang bag-ong lead lawyer motambong sa status conference sa umaabot nga Mayo 27, 2026.
Bisan paman gibutyag ni Conti nga kini ilang dawaton nga dunay pag-amping.
Dugang pa niini nga ang mga biktima magpaabot sa ilang panan-aw ug kabalaka pinaagi sa mga common legal representatives nga subling mobarug para sa ila sa korte sa nasangpit nga petsa.
Ang katibuk-ang gibati sa mga biktima, sumala ni Conti, nga mas gusto nilang magsugod ang pagtaral sa mas daling panahon.
