BUTUAN CITY – Gimandu ni US War Secretary Pete Hegseth ang pag-withdraw sa anaa sa 5-mil ka tropang sundalo gikan sa Germany sulod sa sunod tuig, sumala sa Pentagon.
Gihimo ang anunsiyo human ang unang paghulga ni US President Donald Trump nga tanggalon ang mga tropa gikan sa kaalyado niini sa North Atlantic Treaty Organization (NATO) nga Germany taliwa sa away kay Chancellor Friedrich Merz, nga nag-ingong gipakaulawan sa Iran ang US sa negotiating table.
Samtang gitulisok usab ni Trump ang daw pag-uyon ni Merz sa ideya sa pagbaton sa Iran og Nuclear Weapon.
Sa usa ka pamahayag, gibutyag ni Pentagon spokesman Sean Parnell nga lauman na nilang makumpleto ang withdrawal sa ilang mga sundalo sa sunod unom hangtud sa 12 ka buwan.
Sa datos niadtong Disyembre 31, 2025, dunay 12, 662 ka active-duty US troops sa Italy ug dunay 3,814 sa Spain samtang sa Germany usab dunay 36,436 tropang sundalo sa Amerika.
