BUTUAN CITY – Posibleng motaas ang presyo sa bugas sa nasud ug muabot sa P60 hangtud P62 kada kilo pag-abot sa Setyembre, sumala ni Agriculture Secretary Francis Tiu Laurel Jr.
Sa pagdungog sa Senate Proactive Response and Oversight for Timely and Effective Crisis Strategy (PROTECT) Committee, gibutyagi ni Laurel nga ang gilaumang pagtaas tungod sa pagmahal sa abono, nga halos midoble na ang presyo gikan sa P1,650 hangtud sa P3,000.
Gipasabot niini nga kung magpadayon ang mga maguuma sa tradisyunal nga paggamit sa urea ug dili mobalhin sa alternatibong fertilizers nga girekomenda sa Department of Agriculture (DA), mas motaas ang gastos sa produksyon nga magreresulta sa mas taas nga presyo sa bugas.
Dugang pa sa kalihim, gitun-an na sa DA ang pipila ka lakang aron mapug-ngan ang pagtaas sa presyo lakip ang pagpatuman sa “rice blend” ug “corn blend.”
Ang rice blend mao ang pagsagol sa imported ug lokal nga bugas, sama sa 70-30 o 60-40 ratio, aron mapabilin ang suplay ug makatabang sa mga maguuma.
Samtang ang corn blend usab kombinasyon sa puti ka mais ug bugas sa 50-50 nga proporsyon isip alternatibong pagkaon.
Padayon nangeta ang gobyerno og mga pamaarin aron mapabiling abot-kaya ang presyo sa bugas taliwa sa mitaas nga gastos sa produksyon.
