BUTUAN CITY – Gipahibalo sa World Health Organization kon WHO sa nakalabay nga adlaw nga ilang gi-aprubahan ang usa ka tambal batok sa malaria alang sa mga bag-ong natawo ug mga masuso sa pinaka-unang higayon.
Ang artemether-lumefantrine mao ang unang pormulasyon sa antimalarial nga gihimo gyud para sa pinakabatang mga biktima sa sakit nga ginadala sa lamok.
Sumala sa WHO, ang prequalification nagpasabot nga ang tambal nakatuman sa internasyonal nga mga sumbanan sa kalidad, kaluwasan ug kaepektibo.
Hangtod karon, ang mga masuso ginatambalan gamit ang mga tambal nga gituyo para sa mas dagkong bata — nga nagdala og mas dako nga risgo sa sayop nga dosage, side effects ug toxicity.
Sigon pa ni WHO chief Tedros Adhanom Ghebreyesus, sulod sa daghang siglo, ang malaria nagkuha og kinabuhi sa mga bata ug nagdaot sa kahimsog, ekonomiya ug paglaum sa mga komunidad.
Apan karon, nag-usab na ang istorya tungod kay ang bag-ong bakuna, diagnostic tests, modernong mosquito nes ug epektibong tambal — apil na ang angay para sa mga masuso — nagtabang sa pagpahinay sa pagkatag sa sakit.
