BUTUAN CITY – Gilusad sa Department of Energy (DOE) ang bag-ong sinemanang kampanya nga tumong nga aghaton ang publiko nga magdaginot sa kuryente, susama sa Earth Hour.
Sa ilalom sa programang “Oras Natin sa Efficiency” o ONE campaign, giaghat ang mga household, negosyo, tnghaan ug uban pang organisasyon nga pat-yon ang mga dili kinahanglang suga ug i-unplug ang mga wala gigamit nga appliances matag Sabado gikan sa ala-8:00 sa gabi hangtud sa ala-9:00 sa gabi-i.
Sumala sa DOE, tumong niini nga mapakita nga dakong daginot sa kuryente ang makuha kung dungan nga nagtipid ang publiko.
Gibutyag usab sa ahensya nga makatabang sila sa pribadong sektor ug mga tunghaan aron palapdan ang kampanya.
Una nang natala nga nakabawas ang Pilipinas og 145.43 megawatts sa power demand niadtong Earth Hour karung tuiga nga bugti sa konsumo nga kapin usa ka milyong kabalayan.
Gipaneguro usab sa DOE nga walay laumang power interruption bisan paman sa nagtunhay nga isyu sa enerhiya, ug gitumbok nga gamay nga parte lang sa power supply sa nasud ang gikan sa diesel.
