BUTUAN CITY- Gitawag ni U.S. President Donald Trump isip usa ka “significant step” ang sugyot nga 45-ka adlaw nga hunong-buto sa Iran, apan gipasiugda niini nga kini “not good enough.”
Sa panayam sa mga lokal reporter alang sa yearly White House Easter Egg Roll, niadtong Domingo (adlaw sa Amerika) sigon ni Trump nga ang draft nga gipasa na sa pipila ka ansud aron tauposn ang panagbangi usa ka importanteng lakang sa proseso sa negosasyon.
Dugang pa niini nga kasamtangang gihisgutan na usab ang mga termino ug wala pay klaro ang mahimong resulta niini. Sigon usab ni Trump nga ang kasamtangang lider sa Iran “much more reasonable” kumpara sa miaging mga grupo nga ilang na-atubang.
Sumala niini, mas maalamon ug dili kaayo malimbungon ang mga lider niini. Hisayran nga ang ceasefire proposal gipadala na Estados Unidos ug Iran niadtong Domingo sa gabi, ug gitan-aw isip kataposang higayona aron malikayan ang halapad nga pag-atake sa mga planta sa kuryente ug uban pang imprastraktura sa Iran, kinsa gibaharan ni Trump nga kung magpabiling sirado ang Strait of Hormuz.
Kalabot niini, sigon ni Iranian Foreign Ministry Esmaeil Baghaei, aduna na silay tubag kalabot sa temporaryo nga hunong buto nga daw wala nahi-uyon sa ilang national interest.
