BUTUAN CITY – Malaumon ang transport sector ning siyudad sa Butuan nga dili madugay ang paghatag sa fuel subsidy nga 2-mil pesos gikan sa Butuan city government.
Sigon ni Wilfredo Ybanes, Chairman sa Butuan City Tricycle Wide Transport Cooperative nga naghinam-hinam na sila sa maong ayudad dayung kumpirma nga hangtud sa pagkutlo ning balita wala pay impormasyon nga gipaabot ngadto kanila ang lokal nga kagamhanan sa petsa sa pag-apod-apod.
Sumala pa ni Ybanes nga bisan ug dunay pipila ka nakapangutana kung nganung 2-mil pesos lang ang fuel subsidy, ila gihapong gipasalamatan ang gibuhat sa Butuan City Goverment tungod kay dako naman gihapon ning tabang ngadto kanila dayung panghinaot nga duna pay musunod.
Samtang gipasalamatan usab niini tungod kay bisan sa kalisud sa panahon wala pa siya’y nadunggan nga drayber nga miundang hinoon padayon ang pagserbisyo ngadto sa katawhan.
Dunay hangyu nalang kini sa iyang mga kaubanan nga likayan gayud ang pagpangayu og sobra sa gitakda nga plitehan tungod kay gamay ra kini kung ikumpara sa penalidad ugaling madakpan.
Sa hisgutanan usab sa usbaw sa plitihan, gibutyag ni Ybanes nga duna nay petisyun silang giduso og naghulat nalang sila nga ipatawag dayung angkon nga taas kaayu ang proseso sa pagpatuman niini.
