BUTUAN CITY – Gitugutan na sa Los Angeles Lakers si Luka Doncic nga magdula batuk sa Detroit Pistons human ang iyang ika-16 nga technical foul nga miresulta sa usa ka automatic suspension unta, human sa ilang pagdaug batuk sa Orlando Magic sa Florida niadtong Sabado.
Madumdumang gisilutan ang Slovenian superstar tungod sa iyang verbal altercation kang Goga Bitadze sa Magic human ang usa ka free throw attempt.
Nasayrang ilalom sa NBA rules, ang usa ka player nga duna’y 16 ka mga technical fouls sa usa ka season, otomatikong pahamtangan og one-match suspension.
Sigon sa NBA, ang technical fouls nila Doncic ug Bitadze, gibakwi na human ang review sa opisina sa liga.
Tungod niini, pwede nang magdula si Doncic sa pakig-agbat unya sa Lakers sa Pistons kondiin target nila ang ilang ika-10 nga kada-ugan. Mikamada si Doncic og average nga 40 points sa game sa nine-game winning run sa Lakers apil ang 60-point performance sa pagparot sa Miami Heat niadtong Huwebes.
