BUTUAN CITY- Nagtapok ang liboan ka Iranian sa Tehran alang sa pag-ampo sa Eid al-Fitr kansa nagtapos sa Ramadan, natabonan sa tensyon tungod sa bag-ong airstrike nga giingong mitarget sa nuclear enrichment plant sa Natanz samtang nagpadayon ang hulga sa Israel nga mosamot ang pagpabomba.
Wala mopakita sa publiko ang bag-ong Supreme Leader nga si Ayatollah Mojtaba Khamenei, busa ang hepe sa hudikatura maoy nangulo sa pag-ampo sa Imam Khomeini mosque nga napuno sa mga sumasamba.
Samtang nagpadayon ang kasamok, gipamatud-an sa Iran nga giatake ang ilang pasilidad apan walay nuclear leakage, ug nanawagan ang International Atomic Energy Agency sa pagpugong sa militar aron malikayan ang disgrasya.
Sa laing bahin, nagpadayon ang pagbinombahay tali sa Iran ug Israel samtang ang Estados Unidos naghunahuna sa pagpahinay sa operasyon bisan pa sa pagpadala og dugang tropa. Ang krisis nakaapekto usab sa global nga merkado sa enerhiya, diin misaka pag-ayo ang presyo sa lana ug naapektuhan ang supply tungod sa tensyon sa Strait of Hormuz.
