BUTUAN CITY – Gi-angkon si Emman Bacosa Pacquiao nga gusto niya mahimong world boxing champion ug inspirasyon sa kabataang Pilipino ug kampante siyang makab-ot niya ang kalampusan pinaagi sa kakugi ug dedikasyon.
Bisan nagsugod na siya sa showbiz ug endorsements, boxing gihapon ang iyang prayoridad.
Gi-share usab niya nga nakulbaan siya sa pag-arte sa usa ka TV series apan na-enjoy niya kini. Importante alang niya ang balanse sa oras ug mag-focus lang sa usa ka butang matag-higayon.
Padayon siyang gitabangan sa iyang amahan nga si Manny Pacquiao, ilabina sa disiplina, pagkaon, ug pahulay kondiin posible usab nga uban silang mag-training sa iyang sunod nga away.
Gusto ni Emman nga mapakita ang iyang kaugalingong talento ug dili lang ikumpara sa iyang amahan.
Sa personal nga bahin, gibutyag niya nga “good friend” lang niya ang aktres nga si Jillian Ward ug mas naka-focus siya sa pamilya ug karera.
Isip ambassador sa IAM Worldwide, nakadawat siya og tambag gikan kang Piolo Pascual nga mag-relax ug i-enjoy ang showbiz.
