BUTUAN CITY – Dungan nga gitira sa North Korea ang kapin sa napulo ka mga ballistic missiles padulong sa Sea of Japan ning adlawa, Sabado, samtang nagpadayon ang dagkong military exercises sa Estados Unidos ug South Korea, apan kini sa gawas na nga bahin sa exclusive economic zone sa Japan.
Base kini sa pagkumpirma sa South Korea’s Joint Chiefs of Staff ug Japan Coast Guard kansa klaro matud pa nga tubag sa Pyongyang batok sa “Freedom Shield” drills nga ilang gi-isip nga rehearsal sa posibleng pag-atake.
Alayon niini, nagbahad ang Japan ngadto sa mga barko ug eroplano nga posibleng ma-apektuhan sa ruta dungan sa panawagan sa South Korea og mas lig-on nga koordinasyon sa seguridad.
Ang insidente nagdugang sa kahadlok sa Northeast Asia tungod sa padayon nga pagpalig-on sa missile program sa North Korea taliwa pa man sa gipahamtang kanila nga international sanctions.
Ang gihimo sa Pyongyang posibleng maka-apekto sa regional trade ug stability tungod sa tensyon sa seguridad ilabina sa mas taas nga risgo sa miscalculation tali sa mga nasod ug mas maglisod unya ang negosasyon tungod sa padayon nga provocation.
