BUTUAN CITY – Muabot sa halos 3 milyones ang mga Pilipino nga walay trabaho sa pagsulod sa Enero ning tuig, 2026 base sa taho sa Philippine Statistics Authority (PSA).
Sumala sa PSA, niadtong Marso ang unemployment rate sa nasud misaka sa 5.8%, mas taas sa 4.3% nga natala sa susamang panahon sa 2025.
Nagpasabot kini nga anaa sa 2.96 milyones sa 80.89 Milyones nga Pinoy ang walay trabaho sa pagsulod sa 2026 samtang anaa sa 2.17 Milyones ang unemployed sa susamang panahon sa 2025.
Nakatala usab ang PSA og dyutay nga pagkunhod sa underemployment rate sa 13.2% niadtong Enero 2026 kumpara sa 13.3% sa susamang panahon niadtong 2025.
Ang mga underemployed mao ang mga indibidwal nga dunay trabaho apan gusto pang madugangan ang oras sa trabaho o second job.
Ang services sector ang nagpabiling dunay pinaka taas nga gigikanan sa trabaho sa mga Pinoy o anaa sa 63.6%, gisundan sa mga pabrika 18.3% ug agriculture sector 18.1%.
