BUTUAN CITY- Ming-abot 54 ka mga Pilipino sa Israel ang mihangyo na og repatriation taliwala sa nagpadayon tensyon sa Middle East. Sumala ni Philippine Ambassador to Israel Aileen Mendiola, adunay 32 ka mga turista ug 23 ka mga overseas Filipino worker (OFW) nga nagpahayag sa ilang tinguha nga mopauli sa Pilipinas.
Dugang sa Ambassador, adunay hagit karon kung unsaon sila pagbalhin tungod walay mga flight paingon ug gikan sa Israel ug ang ubang mga land crossing sa naasoy nga nasud gi-sirado.
Apan, plano niini nga unahon ang mga turista nga na-stranded tungod wala matud pay kapoy-an ang maong mga turista gani ang embahada nakig-alayon na sa Israeli Ministry of Tourism aron mabakwit na ang mga niini.
Ingon man nga mao usab kini ang hagit sa pagpauli sa patayng lawas sa namatay nga Filipina caregiver sa Israel, nga si Mary Ann Velasquez de Vera.
Sa pagkakaron, sumala ni Ambassador Mendiola, imposible nga madala dayon ang patayng lawas sa Filipina, apan mipasalig kini nga ang ilang mga miyembro sa team gihisgutan na kung unsaon pagdala pabalik sa nasud uban sa bana sa Filipina caregiver nga anaa usab sa Israel ug sa iyang igsoon nga babaye sa Qatar.
Basi sa datos gikan sa Department of Foreign Affairs (DFA), adunay 2.5 milyon nga mga Pilipino sa Middle East, kadaghanan niini anaa sa United Arab Emirates (UAE), Saudi Arabia ug Qatar samtang adunay 800 sa Iran.
