BUTUAN CITY – Gikasa na ang subling panag-agbat ni Filipino boxing champion Manny Pacquiao kang Floyd Mayweather Jr.
Himoon kini sa Sphere sa Las Vegas sa Setyembre 19.
Kini ang subling panag-atubang sa duruha human ang unang away nila niadtong 2015.
Mahinumdumang gianunsiyo sa 48-anyos nga si Mayweather ang subli niyang pag-dula.
Sigon ni Pacquiao nga nagpabiling usa ka pinakadakong dula sa kasaysayan ang panag-agbat nila rason usab nga daghan ang nag-atang sa subli nilang panag-away ibabaw sa ring.
Gibansagang pinakadakong kita ang away sa duruha kaniadto nga dunay 600 milyones dolyares nga revenue.
Tuig 2017 sa dihang giananunsiyo ni Mayweather ang iyang pagretiro human makuha ang limpiyo nga 50 ka daug og wala pay pildi.
Apan sukad niadto, midula pa kini sa pipila ka exhibition fight.
Samtang si Pacquiao subling miaway niadtong nakalabay nga tuig batuk kang Mario Barrios sa Las Vegas.
