-- ADVERTISEMENT --
BUTUAN CITY- Nakatala pag-usab og bag-ong career-high ranking si Pinay tennis star Alex Eala.
Sa gipagawas nga world ranking sa Women’s Tennis Association (WTA) anaa sa ila-31 nga puwesto ang 20-anyos nga si Eala.
Nahimong dakong tabang ang pagsaka ni Eala sa kampanya niini sa WTA 1000 Dubai Tennis Championships kung asa ming-abot kini sa quarterfinals.
Unang nakuha ni Eala ang career-best Number 40 ug human sa usa ka simana nahugno kini sa Number 47.
Sa pagkakaron nangandam si Eala sa pipila ka mga torneo sama sa Indian Wells ug Miami Open.
-- ADVERTISEMENT --
Magsugod ang BNP Paribas sa Indian Wells sugod Marso 4 hangtud 15 samtang ang Miami Open magsugod gikan sa Marso 17 hangtud 29.
