BUTUAN CITY – Nanawagan si Parañaque 2nd District Brian Raymund Yamsuan, sa pribadong sektor nga mosalmot ug motabang sa pagtubag sa dakong kakulangon sa lawak-tunghaan sa nasud.
Sigon ni Yamsuan, muabot sa 145,000 ang kasamtangang kakulangon sa classrooms nga Posible pa kini mosamot tungod kay gibana-banang 51,000 ka dakbalay sa pampublikong tunghaan ang mahimong dili na lywas nga gamiton pag-abot sa 2028.
Tungod niini, giduso ni Yamsuan ang sugyot balaodnon nga House Bill 7362 o Classroom-Building Acceleration Program (CAP) Act.
Sa ilalom sa nasangpit nga sugyot tugutan ug agnihon ang mga civil society organizations (CSOs) ug pribadong grupo nga moapil sa pagtukod sa mga tunghaan pinaagi sa mas gipadaling proseso sa procurement, accounting ug auditing.
Gitugutan usab sniini ang mga kwalipikadong local government units (LGUs) nga magduso ug magpatuman sa classroom projects gamit ang pondo sa nasudnong kagamhanan.
Sigon ni Yamsuan, dili kayang solusyunan sa gobyerno lang ang maong problema rasong kinahanglanang “whole-of-nation approach.”
Ang CAP Act lakip sa mga prayoridad nga sugyot sa Legislative-Executive Development Advisory Council kon LEDAC nga giaprubahan ni Pangulong Ferdinand Marcos Jr.
Napasa na sa Senado ang bersyon niini sa ikatulo ug pinal nga pagbasa niadtong Enero 26, 2026, samtang nag-ong-ong pa kini sa Kamara.
Sa 2026 national budget, kapin 85 bilyones pesos ang gigahin sa Basic Education Facilities Fund (BEFF) sa DepEd aron pondohan ang pagpatukod ug pag-ayo sa mga tunghaan.
Sa ilalom sa sugyot-balaodnon, itakda ang kantidad sa pagtukod sa matag lawak-tunghaan tali sa 1.6 milyones pesos hangtud sa P2.1 milyones pesos nga mamahimong patas-an hangtud sa 20% depende sa lokasyon ug uban pang gastuson, basta aprubado sa DepEd.
Gitumbok ni Yamsuan nga mahinungdanon ang sayung pagpapalabang sa nasangpit balaod alang sa kaayuhan sa mga magtutungha nga kasamtangang naghoot sa classrooms.
