BUTUAN CITY- Gi-implementar nga bag-ong route plan nga adunay provisional authority sa Butuan City, anaa na sa Sangguniang Panlungsod niadto pang Marso 2025 diin 60 ka rota ang gi-arobahan ug gibahin sa upat ka zone—red, yellow, blue ug green.
Sumala ni Engr. Karl Jun Arellano, Planning and Data Management Division sa City Transportation and Traffic Management Department kon CTTMD, nga ang mga rota naggikan sa franchise code nga nagkinahanglan og klarong tricycle route plan.
Sigon pa niini, nga sa pagkakaron, pipila lang sa mga rota ang nakapasa ug nakadawat og provisional authority, sama sa B1 route nga gikan sa Barangay Buhangin paingon sa G. Flores diin adunay 10 ka unit nga “fit size”.
Gipasabot ni Arellano nga demand-based ang pag-compute sa gidaghanon sa unit aron malikayan ang sobra o kakulang, ug mas dali nga madugangan kung kinahanglan. Ang rota nga B1 adunay gitas-on nga 4.44 kilometros.
Gipahibalo sa CTTMD nga nadugang na ang mga rota nga adunay Provisional Authority sa Butuan City, lakip na ang B5 nga adunay 32 ka unit ug gitas-on nga 22.34 kilometros gikan Barangay Maguinda padulong Barangay Lemon apan gipahimutang sa G. Flores aron mas mapahimutang ang mga commuters.
Giklaro ni Engr. Karl Jun Arellano nga ang tricycle route plan naglikay sa pagsunod sa National Highway gawas sa mga rota nga adunay existing POJs, ug gilimit ang double ride aron mas hapsay ang biyahe. Lakip usab sa bag-ong rota ang B7 nga adunay 8 ka unit ug 7.08 kilometros nga linya gikan Ampayon, Basag, Taligaman ug Tayamaan, samtang sa green ug red zone giaprobahan ang G2 hangtod G6 ug R2 hangtod R13 nga nagkonektar sa G. Flores, Libertad ug Langihan.
Sa yellow zone, giila ang Y9 nga adunay 32 ka unit tungod sa taas nga demand gikan Robinsons padulong Langihan, ug uban pang ruta sama sa Y10, Y12, Y13, Y14 ug Y18. Gipasabot niini nga maong mga rota nagpakita sa padayon nga pagpalambo sa transportasyon aron mas mapadali ang biyahe sa mga residente sa syudad.
