BUTUAN CITY – Gipalig-on na sa House Justice Panel ang committee report sa House Justice Committee nga nagrekomenda sa pagbasura sa duha ka impeachment complaints nga gipasaka batuk kang Pangulong Ferdinand Marcos Jr.
Sa botong 39 ka pabor, upat ka supak ug wala’y mi-abstain, gi-aprubahan na sa panel ang committee report nga duna’y lakip nga resolusyong nagbutyag nga wala’y igong basehan ang mga alegasyon aron mu-abante ang reklamo batuk sa pangulo.
Sigon ni panel chair Gerville Luistro, kini human napakyas pagpamatuod nga nakalapas sa konstitusyon si Pangulong Bongbong Marcos rason nga gisubmite na ang report ngadto sa plenaryo sa Kamara alang sa pormal nga pagtuki ug pag-aksyon sa kinatibuk-ang pagtuki sa entiro House of Representatives.
Samtang – (tira TOP STORY-B)Natunga usab ang boto ni Mamamayang Liberal kon ML partylist Rep Leila de Lima sa impeachment complaint batuk sa pangulo tungod kay ang insufficient in substance lang, mao ang reklamo ni de Jesus ug dili ang reklamo sa Maza et.al.
Gipangutana pa niya sa panel kung unsa ang mahimong desisyon sa natunga niya nga boto kondiin gipasabot siya ni panel chair Rep Gerville Luistro nga desisyunan kini base lang sa yes o kaha no vote.
