BUTUAN CITY-Gipangandaman na usab ni Alex Eala ang pagsalmot niini sa 2026 Abu Dhabi Open nga mo-arangkada na sa sunod semana sa International Centre sa Zayed Sports City sa Abu Dhabi, United Arab Emirates.
Mingbiya na sa kompetensyon si Eala sa 2026 Philippine Women’s Open sa dihang napildi kini ni Camila Osorio sa Colombia sa skor nga 4-6, 4-6 sa quarterfinals. Human sa iyang dula, nagbansay gilayon si Eala sa center court sa Rizal Memorial Tennis Center.
Nagpasalamat usab kini sa mga Pinoy Supporters nga midagsa sa venue aron tan-awon ang iyahang dula.
Naglaum usab si Eala nga magpadayon ang pagsuporta sa mga Pilipino sa tennis, dungan sa panawagan nga suportahan ang mga bagitong tennis players sa nasud kansa nangandoy nga makadula sa taas nga lebel sa events.
Nagtuo usab kini nga dako ang matabang sa mga major backers aron suportahan ang mga batan-ong atleta nga posibleng mahimong world class tennis players sa mga umalaabot nga panahon.
Dili usab sayon ang naagi-an ni Eala adiser niini naabot ang iyahang estado sa tennis. Nagbansay kini og pipila katuig sa Rafael Nadal Academy sa Mallorca, Spain aron mahanas ang iyahang talento kauban ang mga world class coaches ug trainers sa nahisgutang nasud.
