BUTUAN CITY – Gipadayag ni Senate President Vicente “Tito” Sotto III nga imposible na ang impeachment sa Pilipinas human gipalig-on sa Korte Suprema ang desisyon nga nagdeklara nga supak sa Konstitusyon ang impeachment case nga gipapasar sa House of Representatives batok kang Vice President Sara Duterte.
Sumala ni Sotto, ang desisyon sa Korte Suprema klaro nga pagpanghilabot matud pa sa gahum sa lehislatura ug mahimong ikonsidera nga judicial legislation.
Nasayrang sa gisulat nga desisyon, gi-angkon sa Korte Suprema, nga nag-introduce sila og patakaran aron sundon sa Kongreso sa ilang paglusad og impeachment kansa sigon ni Sotto, usa ka paglapas sa gahom sa Legislative branch, base sa nakalatid sa Constitution.
Samtang giklaro usab sa Senate presideny nga ang iyang pamahayag wala magtumbok batuk ni bisan kinsa mang indibidwal apil na kang Vice President Sara Duterte kondili sa prinsipyo lang sa lehislasyon.
Samtang, gipadayag usab ni Senador Imee Marcos nga bisan og usa kini ka kadaugan sa rule of law, nagtuo siya nga aduna gihapo’y bag-ong impeachment complaint nga ipasaka batok kang VP Duterte sa Pebrero 6.
