BUTUAN CITY – Nagpatawag si Alexandra “Alex” Eala og medical timeout sa ikaduhang set sa iyang away batok kang Russian tennis star Alina Charaeva, apan dali ra niyang gipasabot ug giklaro nga dili kini seryoso ug angay kabalak-an.
Gipildi ni Eala si Charaeva sa score nga 6-1, 6-2 sa unang round sa Philippine Women’s Open sa Rizal Memorial Sports Complex — ang iyang unang professional match sa Pilipinas.
Gi-angkon ni Eala nga adunay gamay nga discomfort sa iyang tuong tiil, apan plano niyang ipapahuway ang lawas samtang walay laban kagahapong adlawa, Martes.
Matod pa niya, kabalo na siya unsaon pag-manage sa ingon ato nga sitwasyon ug dili magpada sa pressure.
Giingon pa niya nga ang physical pain kabahin gyud sa lifestyle sa usa ka atleta ug kinahanglan nga ma-manage aron dili makaapekto sa mentalidad. Sunod niyang makaatubang ang winner sa laban tali ni Nao Hibino ug Himeno Sakatsume sa Round of 16.
